सुनचाँदीको मूल्य घट्यो, कतिमा हुँदै छ कारोबार ?

सोमबारको तुलनामा स्थानीय बजारमा आज सुनचाँदीको मूल्यमा केही गिरावट आएको छ । सुन प्रतितोला एक हजार ६ सय रुपैयाँले घटेको छ भने चाँदी १४० रुपैयाँले घटेको छ ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला दुई लाख ८७ हजार १ सय रुपैयाँ र चाँदीको मोल चार हजार ५९० रुपैयाँ निर्धारण भएको छ ।

हिजो सोमबार एक तोला सुन दुई लाख ८८ हजार ७ सय रुपैयाँमा कारोबार भएको थियो भने एक तोला चाँदी चार हजार ७३० रुपैयाँमा खरिदबिक्री भएको थियो ।

त्यसैगरी, गत आइतबार एक तोला सुन दुई लाख ८७ हजार ३०० र त्यति नै परिमाणको चाँदी चार हजार ६९० रुपैयाँमा किनबेच भएको थियो । अन्तर्राष्ट्रिय बजारमा आज प्रतिऔँस सुन चार हजार ११९ अमेरिकी डलरमा खरिद बिक्री भइरहेको छ ।

प्रकाशित मिति: मंगलबार, असार ९, २०८३

११:५५