रास्वपा प्रवेश गरेका तीन जनप्रतिनिधिको पद गयो

काठमाडौं । निर्वाचन आयोगले दल त्याग गरी अर्को राजनीतिक दलमा प्रवेश गरेका तीन जना निर्वाचित जनप्रतिनिधिको पद स्वतः रिक्त भएको जानकारी दिँदै सार्वजनिक सूचना जारी गरेको छ।

आयोगबाट मंगलबार प्रकाशित सूचनाअनुसार राजनीतिक दलसम्बन्धी ऐन, २०७३ को दफा ३२ को उपदफा (१) तथा राजनीतिक दल सम्बन्धी नियमावली, २०७४ को नियम २२ बमोजिम सम्बन्धित दलले गरेको निर्णयका आधारमा उनीहरूको निर्वाचित पद रिक्त भएको हो।