धर्म–संस्कृतिको संरक्षणले एकता कायम गर्छः सभामुख यादव

मधेश प्रदेशका सभामुख रामअशिष यादवले धर्म, संस्कृति र परम्पराको संरक्षणले सामाजिक सद्भाव, शान्ति र एकता कायम गर्न महत्त्वपूर्ण टेवा पुगेको बताउनुभएको छ ।

गणेश चतुर्थीको अवसरमा मङ्गलबार धनुषाको औरही गाउँपालिका–१ परनदेहियामा गणेश मन्दिरको उद्घाटन गर्नुहुँदै सभामुख यादवले धर्म, संस्कृतिले एक सामाजिक सद्भाव, सहिष्णुता र एकता प्रवर्द्धन गर्ने भएकाले सबै धर्म, संस्कृति र परम्पराको संरक्षण हुनुपर्ने बताउनुभयो ।