बेलायतमा मदिरा किन्न अब मोबाइलबाटै उमेर प्रमाणित गर्न सकिने

काठमाडौं । बेलायतको इङ्ल्यान्ड र वेल्समा मदिरा खरिद गर्दा उमेर प्रमाणित गर्न भौतिक परिचयपत्र बोक्नुपर्ने बाध्यता घटेको छ । नयाँ व्यवस्थाअनुसार ग्राहकले सरकारबाट स्वीकृत डिजिटल आइडी एप प्रयोग गरेर मोबाइलबाटै आफ्नो उमेर पुष्टि गर्न सक्नेछन् ।

मंगलबारदेखि कार्यान्वयनमा आएको नियमअनुसार पब तथा पसलमा मदिरा किन्दा ग्राहकले मोबाइलमा डिजिटल आइडी देखाउन सक्नेछन् । यसका लागि पोस्ट अफिस, योटी र लुसिडिटी लगायतका प्रदायकका स्वीकृत एप प्रयोग गर्न सकिने व्यवस्था गरिएको छ ।