वाणिज्य बैंकमा गैरबैंकिङ सम्पत्ति थुप्रिँदै, हिमालयन र ग्लोबल आइएमई बैंकको धेरै

काठमाडौं- कर्जा असुलीमा देखिएको सुस्तताले वाणिज्य बैंकहरूको गैरबैंकिङ सम्पत्ति बढ्दै गएको छ। ऋणीले कर्जा भुक्तानी गर्न नसकेपछि बैंकहरूले धितोका रूपमा लिएका सम्पत्तिको मात्रा बढ्दा यस्तो अवस्था देखिएको हो।

नेपाल राष्ट्र बैंकको चालु आर्थिक वर्ष २०८२/८३ को १० महिना (साउन–वैशाख) सम्मको तथ्यांकअनुसार स्ट्यान्डर्ड चार्टर्ड बैंकबाहेक १९ वाणिज्य बैंकमा गैरबैंकिङ सम्पत्ति १९.५१ प्रतिशतले वृद्धि भएको छ।