बर्दियामा परालको टौवामा आगलागी

बर्दिया — दुई दिनमा दुई ठाउँमा परालका टौवामा आगलागी भएको छ । गुलरिया नगरपालिका–३ कट्टी गाउँमा आइतबार दिउँसो र ठाकुरबाबा नगरपालिका–५ बनवीरपुरमा शनिबार अबेर परालको टौवामा आगलागी भएको हो ।

कट्टीस्थित ४ वर्षीय बालकले सलाई कोरेर खेलाउने क्रममा घर नजिकै रहेको परालको टौवामा आगलागी भएको स्थानीयले बताए । आगलागी हुँदा नजिकै बाँधिएको एउटा भैंसी र गाई जलेका प्रहरीले जनाएको छ । गुलरिया नगरपालिकाको दमकल, प्रहरी र स्थानीयको सहयोगमा एक घण्टापछि आगलागी पूर्ण रूपमा नियन्त्रणमा लिइएको थियो ।