अछामका विनोद शाही हत्या घटनामा उच्च अदालतद्वारा ६ जनालाई जन्म कैदको सजाय

चार वर्षअघि स्थानीय निर्वाचनका बेला अछामको पञ्चदेवल विनायक नगरपालिका–४ का १६ वर्षीय विनोद शाहीको हत्या भएको घटनामा उच्च अदालत दिपायलले ६ जनालाई जन्म कैद सजाय सुनाएको छ। चर्चित विनोद शाही हत्या प्रकरणमा जिल्ला अदालतको फैसला उल्टाउँदै ६ जनालाई जन्म कैदको सजाय गर्ने फैसला भएको हो।

उच्च अदालतका मुख्य न्यायाधीश दिनेशप्रसाद यादव र पुनम सिंह चन्दको संयुक्त इजलासले सोमबार विनोद शाही हत्या घटनामा ६ जनालाई अपराध संहिता २०७४ को दफा १७७ (२) बमोजिम जन्म कैद सजाय हुने फैसला गरेको अदालतका प्रवक्ता नरबहादुर नेगीले बताएका छन्।