खर्क व्यवस्थापनका लागि भुटानको अभ्यासबाट सिक्नुपर्छ : उपाध्यक्ष भण्डारी

काठमाडौँ। नेपालका खर्क तथा चरन क्षेत्रको दिगो व्यवस्थापनका लागि भुटानले अपनाएका नीतिगत तथा संस्थागत अभ्यासबाट सिक्नुपर्ने राष्ट्रिय सभा उपाध्यक्ष लीलाकुमारी भण्डारीले बताएकी छन्।

नेपाल र भुटानका खर्क तथा चरन क्षेत्रको पुनरुत्थान कार्यक्रमबाट प्राप्त अनुभवलाई नेपालको खर्क नीतिमा रूपान्तरण गर्ने विषयमा आयोजित बहुसरोकारवाला छलफल कार्यक्रममा उनले सो कुरा बताएकी हुन्।