आहालमा बिरामी बेपरवाह प्रतिष्ठान

दिनहुँजसो आकाशे झरीले अस्पताल जलमग्न हुन्छ। उपचारका लागि अस्पताल पुगेका बिरामीको कहालीलाग्दो अवस्था निम्तिन्छ।

पानीको आहालमै बिरामीले उपचार पर्खेर बस्नुपर्ने दर्दनाक अवस्थाले राप्ती स्वास्थ्य विज्ञान प्रतिष्ठानको उपचार सेवालाई उदांगो पारिदिन्छ। झरी परेपछि अस्पताल प्रांगणमा ठुलो तलाउ बन्छ। आकाशे झरीबाट खसेको पानीले निकास पाउँदैन। घुँडासम्मको पानीमा चोपिएर उपचारका लागि लाइनमा कुर्ने बिरामीलाई प्रतिष्ठानले सास्ती दिइरहेको छ।