शुक्लागण्डकीको बजेट एक अर्ब १३ करोडभन्दा बढी

तनहुँको शुक्लागण्डकी नगरपालिकाले आगामी आर्थिक वर्ष २०८३–८४ का लागि एक अर्ब १३ करोड ५४ लाख ४९ हजार रुपियाँको अनुमानित बजेट सार्वजनिक गरेको छ। नगरपालिकाले विकास निर्माण, सामाजिक क्षेत्र र सेवा प्रवाहलाई प्राथमिकतामा राख्दै बजेट विनियोजन गरेको जनाएको छ।

नगरपालिकाको १९ औँ नगर अधिवेशन तथा नगर सभामा सोमबार उपप्रमुख खुमबहादुर विकले उक्त बजेट प्रस्तुत गर्नुभएको हो । प्रस्तुत बजेटअनुसार पूर्वाधार विकासतर्फ तीन करोड ५१ लाख ७८ हजार रुपियाँ, सामाजिक विकासतर्फ तीन करोड ४२ लाख ५२ हजार रुपियाँ र आर्थिक विकासतर्फ ९२ लाख ५७ हजार रुपियाँ विनियोजन गरिएको छ।