कर्णालीको एकता सन्देश सभा मंसिर २७ गते सारियो

काठमाडौँ । नेपाली कम्युनिस्ट पार्टी कर्णाली प्रदेश समितिद्वारा मंसिर १८ गते सुर्खेत, वीरेन्द्रनगरमा आयोजना हुने भनिएको एकता सन्देश सभा स्थगित गरिएको छ। पार्टीका केन्द्रीय नेतृत्वको कार्य व्यस्तता तथा सोही दिन कर्णाली प्रदेशका विभिन्न स्थानमा परम्परागत पूर्णिमा मेला र सांस्कृतिक पर्वहरू पर्ने भएकाले सभा सारिएको प्रदेश समितिले जनाएको हो ।

स्थगित गरिएको एकता सन्देश सभा मंसिर २७ गते (शनिवार) सोही स्थान, वीरेन्द्रनगरमा आयोजना गरिने मूल व्यवस्थापन समितिका संयोजक काली बहादुर मल्लले जनाकारी दिएका छन् ।