राप्ती स्वास्थ्य विज्ञान प्रतिष्ठानले गर्दैछ आँखाका जटिल रोगको उपचार

१६ जेठ, दाङ । राप्ती स्वास्थ्य विज्ञान प्रतिष्ठानले वैशाख महिनामा १४० जनामा जटिल आँखा रोगको उपचार गरेको छ । एक महिनाको अवधिमा आँखाको जटिल रोग लागेका १४० जनामा शल्यक्रियासहितको उपचार गरेको प्रतिष्ठानले जनाएको छ ।

प्रतिष्ठानका निमित्त कार्यालय प्रमुख सह–प्राध्यापक डा. सुरेश रसाइलीले उक्त एक महिनाको अवधिमा एक हजार ४२० जना आँखाका बिरामीको ओपीडीमा उपचार गरिएको छ । उनी आँखा विभागका प्रमुख पनि हुन् ।