सगरमाथाको सौन्दर्यदेखि जलवायु संकटसम्म : हङकङमा ‘रोड टु एभरेस्ट’ प्रिमियर

हङकङ । सगरमाथाको साहस, संघर्ष, सपना र बदलिँदो हिमाली वातावरणको कथा प्रस्तुत गर्ने नेपाली वृत्तचित्र ‘रोड टु एभरेस्ट’ को आइतबार हङकङको हुङ होमस्थित सनबिम वाम्पो हलमा विशेष प्रदर्शन गरिएको छ ।

खचाखच दर्शकको उपस्थितिमा सम्पन्न विशेष प्रदर्शनमा हङकङमा बसोबास गर्ने नेपाली तथा भारतीय समुदायसँगै चिनियाँ, बेलायती, फिलिपिनो, अमेरिकी, इन्डोनेसियालीलगायत विभिन्न देशका दर्शकको सहभागिता थियो ।