बेहाल कर्णाली राजमार्ग, टालटुलका लागि पनि छैन बजेट

सुर्खेत । कर्णाली राजमार्गलाई ‘मृत्यु मार्ग’ उपनामले पनि चिनिन्छ । साँघुरो र ठाउँ–ठाउँमा उप्किएको कालोपत्रले यो राजमार्गमा दुर्घटनाको जोखिम बढाइरहेको छ । तर पनि राज्यले यो सडकको स्तरोन्नतिका लागि आवश्यक बजेट उपलब्ध गराउन सकेको छैन ।

टालटुलका लागि फाट्टफुट्ट बजेट आउने गरे पनि स्तरोन्नतिका लागि बजेट आउन सकेको छैन । जसले गर्दा सवारी दुर्घटनाको जोखिम कायम छ । यो राजमार्ग अन्तर्गत दैलेखको तल्लो डुङ्गेश्वरदेखि पालेतडासम्मको सडकखण्ड बेहाल अवस्थामा छ । पुरानो कालोपत्रे पूर्ण रूपमा उप्किएको छ भने ठाउँठाउँमा बनेका खाल्डाले दुर्घटनाको जोखिम बढेको छ ।