‘गोत्र’ र ‘मदिरा’ले खुम्चिँदै राउटे समुदाय

लोपोन्मुख राउटे समुदायकी मयाराम शाही १२ वर्षकी हुँदा ३४ वर्षका दलबहादुर शाहीसँग विवाह भयो। १३ वर्षकै उमेरमा उनले छोरी जन्माइन्। जन्मेको केही दिनमै छोरीको मृत्यु भयो।

अर्को वर्ष अत्यधिक मदिराका कारण दलबहादुरको पनि मृत्यु भयो। १४ वर्षकै उमेरमा विधवा भएकी उनले राउटे संस्कारअनुसार अर्को विवाह गर्न पाउँदिनन्। सुरमान शाहीको पनि १२ वर्षकै उमेरमा ३३ वर्षका शिवराज शाहीसँग विवाह भएको थियो। एक वर्षमै उनले पति गुमाइन्। उनको सन्तान पनि छैन।