मधेसमा तामाङको इतिहासबारे चर्चा

काठमाडौँ । मार्टिन चौतारीमा आइतबार तराई मधेसमा तामाङ समुदाय पुगेको इतिहासबारे चर्चा गरिएको छ ।

नियमित रूपमा हुने छलफलका क्रममा आइतबार अनुसन्धानकर्ता निस्नु थिङले आफूले अध्ययन गरेको तराई मधेसमा तामाङको इतिहासमाथि अनुभव सुनाएकी थिइन् । उनले आफ्नै बुबाबाजेको उदाहरण दिँदै करिब ३०० वर्षपहिले देखि मधेसको चुरेक्षेत्रमा तामाङ समुदाय पहाडबाट झरेर बसोबास गर्न थालेको बताइन् । उनको अध्ययनले खासगरी मधेसका सर्लाही, धनुषा, सिरहालगायत आठ जिल्लामा तामाङ समुदायले जङ्गल फाँडेर बस्न थालेको सुनाइन् ।