धनकुटामा विपद् प्रतिकार्य तयारी : समुदायस्तरमै स्वयंसेवक समूह निर्माण गरिँदै

९ असार, धनकुटा । मंगलबार सशस्त्र प्रहरी बल नेपाल नं. ६ गुल्म छिन्ताङ्ग परिसरमा फरक चहलपहल थियो । त्यो चहलपहल कुनै उत्सवको भने थिएन, कठिन अवस्थामा कसरी जिउज्यान जोगाउने भन्ने पूर्वाभ्यासको थियो ।

त्यहाँ विपदका बेला आपत्कालीन उद्धार कसरी गर्ने ? प्राथमिक उपचार कसरी गर्ने ? विपद्को प्रतिकार्य कसरी गर्ने ? भन्ने विषयमा अभ्यास प्रशिक्षणको काम चलिरहेको थियो ।