मुस्ताङमा ‘घरपझोङ जलवायु परिवर्तन’ सम्मेलन जारी

मुस्ताङ : ‘घरपझोङ जलवायु परिवर्तन सम्मेलन २०८३’ आजबाट सुरु भएको छ । मुस्ताङको घरपझोङ गाउँपालिकाद्वारा आयोजित सम्मेलनको सङ्घीय कृषि, वन तथा पर्यावरणमन्त्री गीता चौधरील उद्घाटन गरेकी हुन् ।

उद्घाटन सत्रमा विभिन्न जिल्लाका स्थानीय तहका जनप्रतिनिधिले जलवायु परिवर्तनबाट नेपालका विभिन्न क्षेत्रमा परेको असरका विषयमा केन्द्रित भइ सम्बोधन गर्ने कार्यक्रम अध्यक्ष मोहनसिंह लालचनले जानकारी दिए । उनका अनुसार सम्मेलनमा हिमाल, पहाड र तराई क्षेत्रमा जलवायु परिवर्तनले पारेका असरका विषयमा गम्भीर रुपमा मन्थन गरिने छ ।