श्रीमतीलाई पानी लिन जाँदा अपमान गरियो, बापुरावले ४० दिन हातैले कुवा खनेर पानी निकाले

भारतको महाराष्ट्रस्थित कलाम्बेश्वर गाउँमा बापुराव ताजनेकी श्रीमती पानी लिन जाँदा अपमानित हुँदै खाली हात फर्किइन्। गरिब भएकै कारण पानी लिन समेत रोकिएको त्यो घटनाले बापुरावको मनमा गहिरो चोट पुर्‍यायो।

उनले कसैसँग झगडा गरेनन्, बरु आफैंले कुवा खन्ने निर्णय गरे। कुवा खन्ने अनुभव थिएन, कुनै मेसिन थिएन र पानी भेटिन्छ भन्ने कुनै निश्चिततासमेत थिएन। वरपरका केही कुवा र बोरवेलसमेत सुकिसकेका थिए। त्यसैले गाउँलेहरूले उनलाई पागलजस्तै भन्दै मजाक उडाए।