कर्णालीमा बेपत्ता युवक खोज्न गोताखोर परिचालन

काठमाडौँ । कर्णालीमा नुहाउने क्रममा बेपत्ता युवकको खोजीमा सशस्त्र प्रहरीको गोताखोर परिचालन गरिएको छ । असार २ मा मुगुबाट सुर्खेततर्फ आउँदै गरेका २४ वर्षीय निवन रोकाय कर्णालीमा डुबेर बेपत्ता भएका थिए ।

उनी कर्णाली प्रदेश ०२–००१ क ०७८० नम्बरको मिनि ट्रकका सह चालक हुन् । डोल्पाको जगदुल्ला गाउँपालिका–३ घर भएका रोकायको खोजीमा नम्बर–६ महेश्वरी बाहिनी मुख्यालय सुर्खेतबाट गोताखोर परिचालन गरिएको सशस्त्र प्रहरीका सह प्रवक्ता (डीएसपी) शैलेन्द्र थापाले रातोपाटीलाई बताए ।