रिंकु र प्रकृतिका लागि न्याय माग्दै सिराहामा प्रदर्शन

सिराहा । अलग–अलग घटनामा मारिएका रिंकुकुमारी सदा र प्रकृति लम्सालका लागि न्याय माग गर्दै सिराहाका विद्यार्थीहरूले प्रदर्शन गरेका छन् । शुक्रवार सिराहाको नवराजपुर १ भगवतीकी रिंकुकुमारी सदा र प्रकृति लम्साल मृत्यु प्रकरणका दोषीलाई कारबाहीको माग गर्दै नेपाल विद्यार्थी सङ्घ सिराहाले गोलबजारमा प्रदर्शन गरेको हो ।

विद्यार्थीहरूले रामप्रसाद तामाङ जनता बहुमुखी क्याम्पसबाट र्याली निकालेर बजार परिक्रमा गरी मुख्य चोकमा पुगेर कोणसभा गरेका थिए । कोणसभामा घटनामा संलग्न दोषीहरूलाई कारबाहीको माग गर्दै ‘बलात्कार पीडितलाई न्याय दे, अपराधीलाई कारबाही गर, बलात्कारको मूल्य तोक्ने पञ्चहरूमाथि कारबाही गर, जस्टिस फर रिंकु सदा र प्रकृति लम्साल’ जस्ता नारा लेखिएका प्लेकार्ड बोकेका थिए।