काठमाडौंमै रेबिजले लियो ज्यान, अस्पतालमा भ्याक्सिनको चरम अभाव

काठमाडौँ । सरकारले समयमा खोप आपूर्ति नगर्दा र भ्याक्सिन कार्यक्रम प्रभावकारी नहुँदा राजधानी काठमाडौँमै रेबिजका कारण नागरिकले ज्यान गुमाउनु परेको छ ।

गत शनिबार टेकुस्थित शुक्रराज ट्रपिकल तथा सरुवा रोग अस्पतालमा चन्द्रागिरि नगरपालिकाका ४८ वर्षीय एक व्यक्तिको उपचारका क्रममा मृत्यु भयो । अस्पतालका अनुसार ती व्यक्तिलाई करिब चार महिनाअघि कुकुरले टोकेको थियो, तर उनले रेबिजविरुद्धको खोप लगाएका थिएनन् ।