आणविक निरीक्षणमा इरानको अडान

इरानले संयुक्त राष्ट्रसङ्घीय आणविक निगरानी निकाय अन्तर्राष्ट्रिय आणविक ऊर्जा एजेन्सी (आइएइए) का निरीक्षकले अमेरिकाले पहिले आक्रमण गरेका आणविक स्थलको भ्रमण गर्ने कुनै योजना नरहेको स्पष्ट पारेको छ । यसले स्विट्जरल्यान्ड वार्तापछि आएको अमेरिकी दाबीलाई प्रत्यक्ष चुनौती दिएको छ ।

तेहरानमा आयोजित पत्रकार सम्मेलनमा इरानको विदेश मन्त्रालयका प्रवक्ता इस्माइल बाघाईले उक्त भ्रमणसम्बन्धी कुनै सहमति वा तयारी नभएको बताउनुभयो । उहाँको भनाइ अमेरिकी उपराष्ट्रपति जेडी भान्सको त्यस अघिको दाबीभन्दा फरक देखिएको छ र स्विट्जरल्यान्ड वार्ताले आइएइएलाई इरानी साइटमा पहुँच दिने सहमति जुटाएको भनिएको थियो ।

सन् २०२५ मा इजरायलसँग भएको १२ दिने युद्धपछि आइएइएले इरानभित्र र बाहिर अनुगमन जारी राखेको भए पनि अमेरिकाले लक्षित गरेको बम आक्रमण भएका संवर्धन स्थलमा भने हालसम्म पहुँच नदिइएको इरानले स्पष्ट गरेको छ । पत्रकार सम्मेलनमा अन्य विषयमा उठाइएको प्रश्नमा बाघाईले इरानको आयात नीति मूल्य र गुणस्तरका आधारमा निर्धारण हुने बताउनुभयो ।

उहाँले अमेरिकी राष्ट्रपति डोनाल्ड ट्रम्प र उपराष्ट्रपति भान्सका टिप्पणीलाई प्रत्यक्षरूपमा सम्बोधन नगरी प्रतिक्रिया दिनुभएको थियो । उहाँले थप टिप्पणी गर्दै हालको परिस्थिति र द्वन्द्वको प्रभावबारे व्यङ्ग्यात्मक शैलीमा युद्धको परिणामले इरानी सभ्यताको विनाश गर्ने उद्देश्य राखिएको भए पनि व्यवहारमा यसले अमेरिकी किसानलाई आर्थिक लाभ पुगेको देखिएको बताउनुभयो । रासस/एपी