बाढीपछि डीएनए परीक्षणमा ढिलाइ, पीडितलाई थप पीडा नदिन ओलीको आग्रह

प्रतिनिधिसभा सदस्य खुश्वु ओलीले रसुवामा भदौ १० गते आएको बाढीपछि आफन्तको शव पहिचान र बुझ्न परिवारले कष्ट व्यहोर्नुपरेको भन्दै प्रक्रिया सहज बनाउन सरकारसँग माग गरेकी छन्।

मंगलबार बसेको प्रतिनिधिसभाको बैठकमा बोल्दै ओलीले बाढीमा ज्यान गुमाएका व्यक्तिको शव पहिचानका लागि डीएनए परीक्षणको प्रक्रिया लामो हुँदा पीडित परिवार थप पीडामा परेको बताइन्।