आईपीएल ट्रेड : दिल्लीमा फर्किए पन्त, कुलदीप लखनउ पुगे

९ असार, काठमाडौं । भारतीय विकेटकिपर ब्याटर ऋषभ पन्त फेरि दिल्ली क्यापिटल्समा फर्किएका छन् । इन्डियन प्रिमियर लिग (आईपीएल) अन्तर्गत भएको खेलाडी आदानप्रदान (ट्रेड) मार्फत पन्त दिल्लीमा फर्किँदा स्पिनर कुलदीप यादव लखनउ सुपर जायन्ट्समा पुगेका छन्।

आईपीएलले आधिकारिक रूपमा उक्त सम्झौताको पुष्टि गरेको हो । दिल्लीले पन्तलाई १५ करोड भारतीय रुपैयाँमा अनुबन्ध गरेको छ भने लखनउले कुलदीपलाई १३ करोड ५० लाख रुपैयाँमा आफ्नो टोलीमा भित्र्याएको छ ।