फिजीमा बन्दरगाह बनाउँदै ‘क्वाड’ : प्रशान्त महासागरमा अमेरिका र चीनबिच नयाँ तनावको सङ्केत

भारत, संयुक्त राज्य अमेरिका, अस्ट्रेलिया र जापानका विदेशमन्त्रीहरूले यसै साता नयाँ दिल्लीमा भएको बैठकपछि प्रशान्त महासागरको रणनीतिक दृष्टिले अत्यन्त महत्त्वपूर्ण टापु राष्ट्र फिजीमा संयुक्त रूपमा बन्दरगाह पूर्वाधार विकास गर्ने योजना घोषणा गरेका छन्।

यी चार देशहरूको समूहलाई ‘क्वाड्रिल्याटरल सेक्युरिटी डायलग एलायन्स’ (क्वाड) भनिन्छ। विगत दुई दशकदेखि यो समूहले एसिया–प्रशान्त क्षेत्रमा चीनको आर्थिक तथा राजनीतिक प्रभावलाई सन्तुलित राख्ने शक्तिका रूपमा काम गर्दै आएको छ।