सांसद रानाको प्रश्न : बाढीमा हराएका व्यक्तिका परिवारको ‘डीएनए’ परीक्षण प्रतिवेदन कहिले आउँछ?

काठमाडौ‌ । प्रतिनिधिसभाको आजको बैठकमा सांसदहरूले भोटेकोशी बाढीमा हराएका व्यक्तिका परिवारको ‘डीएनए’ परीक्षणको प्रतिवेदन छिटो सार्वजनिक गर्नुपर्ने तथा विपद्जन्य घटनामा उद्धार र खोजी कार्यलाई तीव्रता दिनुपर्नेमा जोड दिएका छन्।

सभाको आकस्मिक समयमा राष्ट्रिय स्वतन्त्र पार्टी (रास्वपा) की सांसद इन्दिरा राना मगरले विपत्तिमा परेकाहरूका लागि मानसिक स्वास्थ्य उपचारलगायत अत्यावश्यक विषयमा सरकारले ध्यान दिनुपर्ने बताइन्।