तृणमूल काङ्ग्रेसमा विद्रोह गहिरिँदै, पार्टी अध्यक्षमा रोय चयन

पश्चिम बङ्गालको राजनीति तीव्ररूपमा तातिँदै गएको बेला तृणमूल काङ्ग्रेस (टीएमसी) भित्र ठूलो विद्रोह देखिएको छ र कम्तीमा ५८ विधायकले नेतृत्वविरुद्ध मोर्चा खोलेर नयाँ सङ्गठनात्मक संरचना घोषणा गरेका छन् । सोही क्रममा पार्टीको नयाँ अध्यक्षका रूपमा अरूप रोयलाई चयन गरिएको घोषणा गरिएको छ ।

विद्रोही समूहका अनुसार सोमबार आयोजित विशेष सत्रमा सर्वसम्मत निर्णयमार्फत ३० सदस्यीय राष्ट्रिय कार्यसमिति गठन गरिएको हो । विपक्षका नेता ऋतब्रत बनर्जीले नयाँ संरचनाको घोषणा गर्दै अरूप रोयलाई पार्टी अध्यक्ष चयन गरिएको जानकारी दिनुभयो । समितिमा फिरहाद हाकिम, अरूप बिस्वास, रथिन घोष, सबिना यास्मिन, जावेद खान, सन्दिपन साहा लगायतका नेता समावेश छन् भने उपाध्यक्षमा फिरहाद हाकिम, अरूप बिस्वास, रथिन घोष र सबिना यास्मिन रहेका छन् ।