बैंकिङ कसुर मुद्दामा ४५ लाख बिगो र १ महिना कैद ठहर भएका प्रतिवादी पक्राउ

काठमाडौँ । बैंकिङ कसुर मुद्दामा फरार एकजना प्रतिवादीलाई प्रहरीले पक्राउ गरेको छ । पक्राउ पर्नेमा तनहुँको भानु नगरपालिका–८ घर भएर काठमाडौँको बसुन्धारा बस्दै आएका ४३ वर्षीय रामचन्द्र अधिकारी छन् । उनलाई मंगलबार काठमाडौँको बालाजुबाट पक्राउ गरिएको उपत्यका अपराध अनुसन्धान कार्यालयका एसपी शरत कुमार थापाले रातोपाटीलाई बताए ।

४५ लाख बिगो भएको मुद्दामा काठमाडौँ जिल्ला अदालतले उनीविरुद्ध २०८२ साउन ११ मा १ महिना १५ दिन कैद र २ लाख २५ हजार जरिवाना हुने ठहर गरेको थियो । प्रहरीले उनलाई काठमाडौँ जिल्ला अदालतमा उपस्थित गराएको छ ।