प्रशान्त महासागरमा अमेरिकी सैन्य आक्रमण : तीन लागुऔषध तस्कर मारिए

वासिङ्टन ।

अमेरिकी सेनाले पूर्वी प्रशान्त महासागरमा लागुऔषध तस्करीमा संलग्न रहेको आशङ्का गरिएको एक डुङ्गामाथि आक्रमण गर्दा तीन जना तस्करको मृत्यु भएको जनाएको छ। अमेरिकी सैन्य अधिकारीहरूका अनुसार शुक्रबार गरिएको उक्त आक्रमणमा तस्करीमा प्रयोग भइरहेको डुङ्गा पूर्ण रूपमा ध्वस्त भएको थियो। अमेरिकी सेनाको दक्षिणी कमान्ड (यूएस साउदर्न कमान्ड) ले सामाजिक सञ्जाल एक्समार्फत उक्त जहाज पूर्वी प्रशान्त क्षेत्रमा सञ्चालन भइरहेको नार्को–तस्करी गतिविधिमा संलग्न रहेको दाबी गरेको छ।