कान्ति लोकपथबाट बागमतीमा गाडी खस्यो, चालक बेपत्ता

१६, जेठ हेटौंडा । मकवानपुरको भीमफेदी गाउँपालिका–८ बगुवास्थित कान्तिलोकपथ सडकखण्ड अन्तर्गत मकवानपुर र ललितपुर जोड्ने पुलबाट एक टेलर गाडी बागमती नदीमा खसेको छ ।

बागमती पुलसँग जोड्न बनाइएको डाइभर्सन सडकबाट ना ६ ख ४०४२ नम्बरको गाडी बागमतीमा खसेको हो । उक्त घटनामा चालक हेटौंडा उपहानगरपालिका–३ बस्ने ३० वर्षीय दलबहादुर बर्ताैला बेपत्ता भएको जिल्ला प्रहरी कार्यालय मकवानपुरले जनाएको छ ।