कोशीको बजेट सिद्धान्त र प्राथमिकता माथिको छलफल सकियो

कोशी प्रदेशको बजेटको सिद्यान्त र प्राथमिकता माथिको छलफल सकिएको छ । शनिबार बसेको प्रदेशसभा बैठकमा कोशी प्रदेशसभाका आर्थिक मामिला तथा योजना मन्त्री विद्युरकुमार लिङ्थेपले राखेको प्रस्तावमाथि छलफल गरिएको थियो । छलफलमा कोशी सांसदहरू रेवतीरमण भण्डारी, गोपाल तामाङ र गम्बु शेर्पाले बजेटका सिद्यान्त र प्राथमिकता माथि धारणा राखेका थिए ।

कोशी प्रदेशको नीति तथा कार्यक्रम संसोधन प्रस्ताव राख्न नदिई पारित गरिएको भन्दै यस अघिको बैठक प्रतिपक्षी दल नेपाली कम्युनिष्ट पार्टीका सांसदहरूले अबरुद्ध पारेका थिए । विपक्षी दलसँगको सहमति अनुसार कोशी प्रदेशको आर्थिक वर्ष २०८३/०८४ को नीति तथा कार्यक्रम सर्वसम्मत नभई बहुमतले पारित भएको भन्ने व्यहोरा सभामुख अम्मरबहादुर विष्टले शनिबारको बैठकमा पढेर सुनाएका थिए ।