सम्पत्ति शुद्धीकरणका डीजीलाई पेस्तोल देखाएको आरोपबारे सरकारसँग जवाफ माग

काठमाडौं । सम्पत्ति शुद्धीकरण विभागका महानिर्देशकलाई मध्यराति पेस्तोल भिराएर रेडकर्नर नोटिस जारी गर्न लगाइएको भन्ने आरोपबारे प्रमुख प्रतिपक्षी दल नेपाली कांग्रेसले सरकारसँग जवाफ माग गरेको छ ।

प्रतिनिधिसभाको मंगलबारको बैठकमा कांग्रेस सांसद चन्द्रमोहन यादवले यस विषयमा सरकारको स्पष्ट धारणा माग गरेका हुन् ।