बालुवा प्रशोधन केन्द्रप्रति स्थानीयको आपत्ति, अनुमति प्रक्रियामाथि प्रश्न

इटहरी । इटहरी उपमहानगरपालिका–३ त्रिवेणी चोकस्थित बस्तीभित्र स्थानीयको असहमति र वडाको आपत्तिका बाबजुद बालुवा प्रशोधन केन्द्र सञ्चालनको प्रक्रिया अघि बढाइएको छ ।

वातावरणीय अध्ययन, सार्वजनिक छलफल र स्थानीय सहमतिलगायत कानुनी प्रक्रिया पूरा नभएको आरोपबिच उपमहानगरले अनुमति दिएपछि स्थानीयवासीले निर्णय फिर्ता लिन माग गरेका छन् । त्रिवेणी बुढासुब्बा मल्टिपर्पोज प्रालिले सञ्चालन गरिरहेको बालुवा प्रशोधन केन्द्रका लागि इटहरी उपमहानगरपालिकाले अनुमति दिएको भए पनि स्थानीयका अनुसार यसबारे न त समुदायसँग छलफल गरियो, न वडा कार्यालयको सिफारिस नै लिइयो, यसले वातावरण संरक्षणसम्बन्धी कानुनी व्यवस्था र स्थानीय सरकार सञ्चालन प्रक्रियामाथि नै प्रश्न उठाएको छ ।