नेप्से २६ अंकले घटेर २६७४ बिन्दुमा, कारोबार रकम पनि खुम्चियो

काठमाडौँ- नेपाल स्टक एक्सचेन्ज (नेप्से) परिसूचक मंगलबार दोहोरो अंकले घट्दै २७०० बिन्दुभन्दा तल झरेको छ। पाँच कारोबार दिनदेखि २७०० विन्दु आसपासमा उतारचढाव गरिरहेको नेप्से यस दिन २६.१६ अंकले घटेर २६७४.४८ विन्दुमा बन्द भएको हो।

सेयर कारोबार रकम पनि अघिल्लो दिनको तुलनामा घटेको छ। सोमबार ४ अर्ब ४४ करोड रुपैयाँ बराबरको कारोबार भएकोमा मंगलबार ४ अर्ब ३६ करोड रुपैयाँमा सीमित भएको छ। यस दिन ३५३ कम्पनीका एक करोड ४० हजार १६४ कित्ता सेयर खरिदबिक्री भएका छन्।