पहिरोले घर पुरिएपछि १० परिवार विस्थापनको जोखिममा

पुर्चौंडी नगरपालिका–८ लामुनीमा पहिरोले एक घर पुरिएको छ भने १० परिवार उच्च जोखिममा परेका छन् । सोमबार राति करिब ९ बजेतिर घरमाथिबाट खसेको पहिरोले स्थानीय गणेशदत्त जोशीको घर पूर्ण रूपमा पुरिएको हो ।

पहिरो खस्न थालेको आवाज आएपछि घरभित्र रहेका परिवारका सदस्य भागेर ज्यान जोगाउन सफल भएका थिए । पहिरोले घरसँगै अन्नपात र लत्ताकपडा पुरिएका छन् ।