राम्रो स्याउ खेती गर्ने तीन किसानलाई सम्मान

जुम्लामा कृषि क्षेत्रमा उल्लेखनीय योगदान पुर्‍याउने तीन जना कृषकलाई ‘मुख्यमन्त्री उत्कृष्ट कृषक पुरस्कार’ सहित सम्मान गरिएको छ। जिल्ला कृषि विकास कार्यालय जुम्लाले चालु आर्थिक वर्ष २०८२/०८३ को स्वीकृत कृषि विकास कार्यक्रमअन्तर्गत उनीहरूलाई सम्मान गरेको हो।

कार्यालय प्रमुख रामभक्त अधिकारीका अनुसार उत्पादन वृद्धि, व्यवसायिक खेती विस्तार तथा कृषि क्षेत्रमा नवप्रवर्तनमार्फत योगदान पुर्‍याएका अग्रणी कृषकलाई छनोट गरी पुरस्कृत गरिएको हो। जिल्ला समन्वय समिति जुम्लाका प्रमुख गौरीनन्द आचार्यले सम्मानित कृषकहरूलाई पुरस्कार तथा प्रमाणपत्र प्रदान गरे।