राजकुमार ह्यारी र उनकी पत्नी मेघनले सुरक्षाको कारण देखाउँदै आफ्ना दुई सन्तानको विद्यालय सारे

बेलायतमा पुनः बसोबास थालेको केही दिनमै राजकुमार ह्यारी र उनकी पत्नी मेघनले सुरक्षाको कारण देखाउँदै आफ्ना दुई सन्तानको विद्यालय परिवर्तन गरेका छन्। विद्यालयसम्मको दूरी र बाटोमा हुने अत्यधिक सवारी साधनका कारण सुरक्षा जोखिम देखिएपछि नयाँ विद्यालय रोजिएको बेलायती सञ्चारमाध्यमहरूले जनाएका छन्।

ह्यारी र मेघन सन् २०२० मा शाही जिम्मेवारी त्यागेर अमेरिकाको क्यालिफोर्नियामा बस्दै आएका थिए। अहिले उनीहरू सात वर्षीय छोरा राजकुमार आर्ची र पाँच वर्षीया छोरी राजकुमारी लिलिबेटसँगै मध्य इङ्गल्यान्डको कोटस्वोल्ड्स क्षेत्रमा बसोबास गरिरहेका छन्। दुवै सन्तानलाई निजी विद्यालयमा भर्ना गरिएको भए पनि विद्यालयको नाम भने गोप्य राखिएको छ।