अब आमा बन्दैमा क्रिकेट त्याग्नु नपर्ने, आईसीसीले ल्यायो नयाँ निर्देशिका

लण्डन । महिला क्रिकेटरहरूका लागि अब मातृत्व (आमा बन्नु) र देशको प्रतिनिधित्व गर्नुमध्ये एउटा मात्र रोज्नुपर्ने बाध्यता अन्त्य भएको छ। अन्तर्राष्ट्रिय क्रिकेट परिषद् (आइसीसी) ले सुत्केरीपश्चात् मैदानमा फर्किन चाहने महिला खेलाडीहरूका लागि विशेष ‘रिटर्न-टु-प्ले’ (खेल्न फिर्ता हुने) निर्देशिका ल्याएको छ ।

इङ्ग्ल्याण्डमा जारी महिला टी-२० विश्वकपको विश्रामको दिन पारेर आईसीसीले सोमबार यो नीति ल्याएको हो । यसको मुख्य उद्देश्य ‘आमा बन्नु भनेको खेल करियरको अन्त्य होइन’ भन्ने सन्देश दिनु रहेको छ।