इन्द्रसरोवरमा जिप दुर्घटना, चार जना गम्भीर घाइते

हेटौँडा- मकवानपुरको इन्द्रसरोवर गाउँपालिका-२ स्थित महालक्ष्मी खोला नजिक काठमाडौँबाट हेटौँडातर्फ आउँदै गरेको मधेश प्रदेश ०३-००१ ज ०७२० नम्बरको विद्युतीय जिप दुर्घटना हुँदा चार जना घाइते भएका छन्।

नेपाल प्रहरीका अनुसार जिपमा आठ जना सवार थिए। उनीहरूमध्ये ६ पुरुष र २ महिला छन्। दुर्घटनामा घाइते भएका चार जनामध्ये तीन जनालाई थप उपचारका लागि काठमाडौँ पठाइएको छ भने एक जनाको हेटौँडामा उपचार भइरहेको छ।