देउवा पक्षबाट जितेका अधिकांश पदाधिकारी गगनतिर

३० भदौ, काठमाडौं । नेपाली कांग्रेसका पूर्वसभापति शेरबहादुर देउवा नेतृत्वको अघिल्लो कार्यसमितिका अधिकांश पदाधिकारीहरू संस्थापन पक्षमा खुलेका छन् ।

१४औं महाधिवेशनमा १३ पदाधिकारीमध्ये तत्कालीन संस्थापन पक्षबाट सभापति देउवासहित ८ जनाले जितेका थिए । उपसभापति पूर्णबहादुर खड्का, सहमहामन्त्रीहरू किशोरसिंह राठोर, भीष्मराज आङदेम्बे, महालक्ष्मी उपाध्याय (डिना), महेन्द्र यादव, फरमुल्लाह मन्सुर र उमाकान्त चौधरीले देउवा पक्षबाट जितेका थिए ।