सामुदायिक वनको डढेलो बस्ती छिर्दा खोटाङमा विद्यालय र ७ घर जलेर नष्ट

खोटाङ । खोटाङमा सामुदायिक वनमा लागेको डढेलो गाउँ भित्र प्रवेश गर्दा एउटा सामुदायिक विद्यालयसहित सात वटा घरहरू जलेर पूर्णरूपमा नष्ट भएको छ ।

हलेसी तुवाचुङ नगरपालिका–२ डिकुवा क्षेत्रको बाल्छीखोला सामुदायिक वनमा लागेको आगो अनियन्त्रित हुँदा आसपासका छुम्पाङ, बाघखोर, च्यानटार, पाँचभैयाटार र लाङमाका स्थानीयवासीहरूको घरहरूमा पुगेको थियो । साबिक डिकुवा गाउँ विकास समितिको वडा नं. ६ का अडमे राई, नगेन्द्र राई, हीराशेर राई, पृतिबहादुर राई, रणबहादुर राई, अबिन्द्र राई र हीराधन राईको घरहरू आगलागीमा परी नष्ट भएका छन् ।