विराटनगर महानगरको बेरुजु ३७ करोड ८६ लाख, यो वर्ष मात्रै ८ करोड थपियो

विराटनगर । विराटनगर महानगरपालिकाको बेरुजु रकम झन् बढेको छ । गत वर्षसम्मको बेरुजुमध्ये १ करोड ६८ लाख ४३ हजार रुपैयाँ फर्स्यौट भए पनि यो वर्ष मात्रै ८ करोड २ लाख रुपैयाँभन्दा बढी बेरुजु थपिएपछि महानगरको कुल बेरुजु ३७ करोड ८६ लाख रुपैयाँ पुगेको छ ।

महालेखा परीक्षकको कार्यालयले सार्वजनिक गरेको आर्थिक वर्ष २०८०/८१ को अन्तिम लेखा परीक्षण प्रतिवेदनअनुसार महानगरको अद्यावधिक बेरुजु ३७ करोड ८६ लाख ८४ हजार ५४६ रुपैयाँ पुगेको हो। प्रतिवेदनअनुसार महानगरको गत वर्षसम्म ३१ करोड ५२ लाख ८८ हजार ४८५ रुपैयाँ बेरुजु बाँकी थियो।