इन्द्रसरोवरमा इभी गाडी दुर्घटना हुँदा चार जनाको घटनास्थलमै मृत्यु

काठमाडौं । मकवानपुरको इन्द्रसरोवर गाउँपालिका–२ स्थित महालक्ष्मी खोला नजिकै इभी (इलेक्ट्रिक भेकल) गाडी दुर्घटना हुँदा चार जनाको घटनास्थलमै मृत्यु भएको छ।

काठमाडौंबाट हेटौँडातर्फ जाँदै गरेको मधेश प्रदेश ०३–००१ ज ०७२० नम्बरको इभी मङ्गलबार अनियन्त्रित भई दुर्घटनामा परेको जिल्ला प्रहरी कार्यालय मकवानपुरले जनाएको छ। गाडीमा ६ पुरुष र २ महिला गरी जम्मा ८ जना सवार थिए।