आईसीयूभित्रै अन्तर्वार्ता लिएको विषय: नेपाल मेडिकल काउन्सिलद्वारा छानबिन सुरु

काठमाडौं– काठमाडौंको छाउनीस्थित सैनिक अस्पतालको आईसीयू (सघन उपचार कक्ष) भित्रै पुगेर बिरामीको अन्तर्वार्ता लिइएको विषयमा नेपाल मेडिकल काउन्सिलले औपचारिक छानबिन अगाडि बढाएको छ।

प्रेस काउन्सिल नेपालबाट प्राप्त पत्रका आधारमा मेडिकल काउन्सिलले आईसीयूभित्र अन्तर्वार्ता लिँदा उपचार प्रोटोकल र मेडिकल आचारसंहिता पालना भए/नभको भन्ने विषयमा अनुसन्धान थालेको हो। छानबिनका क्रममा आईसीयू प्रोटोकल, बिरामीको गोपनीयता तथा सुरक्षा र उपचार आचारसंहिताको दायराभित्र यो कार्य पर्छ कि पर्दैन भन्नेबारे विस्तृत जानकारी संकलन हुने छ।