वैदेशिक रोजगार व्यवसायीबीच चुनावी सरगर्मी सुरु

काठमाडौं । नेपाल वैदेशिक रोजगार व्यवसायी संघको आगामी आइतबार हुने विशेष महाधिवेशन तथा निर्वाचनलाई लिएर अहिले व्यवसायीबीच चुनावी सरगर्मी सुरु भएको छ । उच्च अदालत पाटनले सो निर्वाचन रोक्न माग गर्दै संघका अध्यक्ष भुवनसिंह गुरूङ पक्षद्वारा दायर गरिएको रिट निवेदनमा अन्तरिम आदेश दिन अस्वीकार गरेपछि संघको निर्वाचन प्रक्रिया निर्धारित कार्यतालिका अनुसार आगामी २४ जेठका लागि नै तय भएको छ । यस निर्वाचनमा सकेसम्म व्यवसायीबीच सहमतिमार्फत नै नयाँ नेतृत्व चयन गर्ने प्रयास पनि भईरहेको छ ।

अध्यक्षमा आधा दर्जन आकांक्षी, सहमतिमार्फत नयाँ नेतृत्व चयनको प्रयास जारी