डेन्टल हाइजिनिष्ट एसोसिएसनको ७ बुँदे माग: दरबन्दीदेखि मापदण्ड विपरीतका क्लिनिक बन्द गर्नेसम्म

काठमाडौं- नेपाल स्वास्थ्य व्यवसायी परिषदमा दर्ता नभएका अवैध जनशक्तिबाट भइरहेको गलत उपचार रोक्न र मापदण्डविपरीत सञ्चालित डेन्टल अस्पताल तथा क्लिनिकहरूमाथि कडा कारबाही गर्न माग गर्दै डेन्टल साइन्स हाइजिनिष्ट एसोसिएसन नेपालले बागमती प्रदेशका स्वास्थ्य मन्त्रीसमक्ष ज्ञापनपत्र बुझाएको छ।

एसोसिएसनका अध्यक्ष माइकल देवकोटाद्वारा हस्ताक्षरित उक्त ज्ञापनपत्रमा मुखस्वास्थ्य नीति निर्माणमा संस्थाको प्रतिनिधित्व नहुँदा र अदक्ष जनशक्तिले उपचार गर्दा जनताको स्वास्थ्यमा गम्भीर खेलबाड भइरहेको उल्लेख छ।