कांग्रेस संस्थापनसँग पूरै संवाद टुटेपछि नयाँ पार्टी गठनतर्फ इतरपक्ष

काठमाडौं– नेपाली कांग्रेसभित्र देखिएको आन्तरिक विवाद समाधानका लागि पछिल्ला दुई सातादेखि कुनै पहल नभएको इतर समूहले जनाएको छ ।

उपसभापति विश्वप्रकाश शर्मा र पूर्णबहादुर खड्काबीच जेठ २२ गते भएको भेटपछि थप संवाद अघि बढ्न सकेको छैन ।

डा.प्रकाशशरण महतले संस्थापन पक्षले पार्टी एकताका लागि चासो नदेखाएको आरोप लगाएका छन् ।

यता संस्थापन पक्षले भने क्रियाशील सदस्यता अध्यावधिक नगर्दा समाधानको वातावरण बन्न नसकेको बताएको छ ।

विवादको मुख्य विषय क्रियाशील सदस्यता अध्यावधिक र पार्टीका विभिन्न समितिहरूमा प्रतिनिधित्वको रहेको छ ।

इतर समूहले महाधिवेशनसँग सम्बन्धित समितिहरूमा समावेशी प्रतिनिधित्वको माग गर्दै आएको छ ।

सभापति गगन थापाले १५औँ महाधिवेशन निष्पक्ष रूपमा गराउने प्रतिबद्धता व्यक्त गर्दै विपक्षी पक्षले रोजेका व्यक्तिलाई समेत निर्वाचन र सदस्यता छानबिन समितिमा राख्न तयार रहेको बताएका छन् ।

तर सदस्यता अध्यावधिक भने अनिवार्य हुनुपर्ने उनको अडान छ ।

यही विषयमा सहमति नजुट्दा कांग्रेसभित्रको विवाद समाधान प्रक्रिया अहिले ठप्प बनेको छ ।

प्रतिक्रिया दिनुहोस्