गर्मी बढेपछि कपिलवस्तुका विद्यालयमा बिदा

पानी नपरेर अत्यधिक गर्मी बढेपछि कपिलवस्तुको कपिलवस्तु नगरपालिकाले विद्यालयमा बिदा दिएको छ ।

गर्मीले विद्यालयको पठनपाठनमा असर गरेको भन्दै असार १२ गतेसम्म बिदा दिएको नगरपालिकाका प्रमुख प्रशासकीय अधिकृत विनयकुमार श्रीवास्तवले जारी गरेको सूचनामा उल्लेख छ ।

असारको ९ गते लागिसक्दा समेत पश्चिम तराईमा पानी पर्न सकेको छैन । पानी नपर्दा रोपाइँदेखि पढाइसम्म प्रभावित भएको छ ।

हाल तराईमा तातो हावा चल्ने गरेको छ ।