बाढीपीडितलाई कोशी प्रदेश मन्त्रिपरिषद्का सदस्यले सात दिनको पारिश्रमिक दिने

३० भदौ, विराटनगर । कोशी प्रदेश सरकारका मन्त्रिपरिषद्का सदस्य र सचिवालयका कर्मचारीले भोटेकोशी बाढीपीडितको राहत तथा पुनर्स्थापनका लागि एक साताको पारिश्रमिक सहयोग गर्ने भएका छन् ।

मंगलबार बसेको मन्त्रिपरिषद्को बैठकले मन्त्रिपरिषद् सदस्य, पदाधिकारी तथा सचिवालयमा कार्यरत कर्मचारीहरूको ७ दिनको पारिश्रमिक रकम सहयोगस्वरूप प्रदान गर्ने निर्णय गरेको हो ।